Daha bir əfsanə VƏFAT ETDİ-FOTO

İtaliyanın əfsanəvi futbolçusu Paolo Rossi vəfat edib. 

azbelediyye.az  İtaliya KİV-nə istinadən xəbər verir ki, İtaliya millisinin sabiq üzvü 64 yaşında dünyasını dəyişib.

Paolo Rossi İtaliya millisi ilə 1982-ci ildə dünya çempionu olub. Həmin il Rossi “Qızıl top”a sahiblənib. Dünya kubokunun ən yaxşı futbolçusu seçilib. O, İtaliya millisinin heyətində ümumilikdə 48 matç keçirib və 20 qol vurub.

Paolo “Yuventus”, “Milan”, “Verona”, “Perucia” kimi klubların şərəfini qoruyub. İkiqat İtaliya çempionu, İtaliya kubokunun, UEFA Çempionlar kubokunun, Kuboklar kubokunun və superkubokunun sahibidir.

Son illərdə isə RAİ telekanalında futbol eksperti kimi çalışırdı