Hazırda Bakı İstintaq Təcridxanasında saxlanılan Gənc Qazilər İctimi Birliyinin sədri Hacı Vəliyev müvafiq dövlət qurumlarına və media qurumlarına yazılı müraciət ünavnlayıb.
Bu barədə KANAL32.az-a qazinin atası Fəxrəddin Hacı oğlu Vəliyev məlumat verib
Azbelediyye.az “KANAL32″yə istinadla həmin müraciətin mətnini və fotosunu olduğu kimi təqdim edir:
Səlahiyyətli orqanlara
Surəti: Kütləvi İnformasiya vasitələrinə
Bakı İstintaq Təcridxanasında
saxlanılan Vəliyev Hacı Fəxrəddin oğlu tərəfindən
MÜRACİƏT
Bildirmək istəyirəm ki, 31 mart 2025-ci il tarixində saxlanılaraq həbs edilmişəm. Bu müddət ərzində mənə görə narahat olub sosial şəbəkələrdə və saytlarda əksəriyyətindən xəbərim olmadan məlumatlar paylaşılmış, xəbərlər verilmişdir. Son olaraq 26 avqust 2025-ci il tarixində sosial şəbəkələrdə, saytlarda məlumatlar paylaşılıb ki, bundan məlumatım olmayıb.
Bundan sonra icazəm və razılığım olmadan barəmdə hər hansı bir məlumat paylaşmamağınızı xahiş edirəm. Sədri olduğum “Gənc Qazilər İctimai Birliyi”nin fəaliyyəti,həmçinin səhhətimdə yaranan problemlərə görə ictimai fəaliyyətim tamamilə dayanıb.
Barəmdə aparılan cinayət işi üzrə istintaq yekunlaşıb məhkəməyə göndərilmişdir. Məhkəmənin barəmdə ədalətli qərar çıxaracağına ümid edirəm.
Mənim həbsimə görə narahat olan bütün hər kəsə təşəkkür edirəm!
İmza: Hacı Vəliyev
27.08.2025-ci il
Kanal32.az