“Smart” Education Bağçalar şəbəkəsinin tabeliyində olan “Minika” bağçasında milli bayramımız olan Novruz bayramı balaca fidanlarımız tərəfindən qeyd olunub.
“Smart” Education Bağçalar şəbəkəsinin təsisçisi, İlgün Valehqızı bildirdi ki, “Biz Smart” Education Bağçalar şəbəkəsi olaraq mütəmadi şəkildə dövlət əhəmiyyətli günlərimizi, bayramlarımız müəllimlərin rəhbərliyi altında uşaqlarla birgə qeyd edirik. Tədbirlərdə uşaqların inkişafını, istedadlarını və bacarlarını üzə çıxarırıq. Təbii ki bunlarda onların hərtərəfli inkişafına dəstək olur. Bugünki tədbirimiz də Novruz Bayramına həsr olunması, xüsusən də gələcəyimiz olan uşaqlar tərəfindən keçirilməsinin xüsusi əhəmiyyəti vardır. Bu gün Novruz Bayramı şənliyinə uşaqlarımızın həvəslə hazırlaşmalarını, üzlərindəki sevincin şahidi oluruq”.


Sonra balaca fidanların Azərbaycan, ingilis və rus dillərində “Bahar”, “Bahar gəlir elimizə”, “Bənövşə” rəqslərini böyük sevinc və həvəslə oynadılar. Balacaların “Novruz gəlib”, “Novruzum”, “Bahar” musiqilərinin, eləcə də “Arşın mal alan”, “Novruz” səhnəcikləri şənliyi rəngarəng və maraqlı etdi.


Azbelediyye.az